Enkelejd Alibeaj hedh akuza të forta për policinë e shtetit. Një prej tyre është se ai këmbëngul se 500 ish- pjesëtarë të Sigurimit të Shtetit janë pjesë e policisë së sotme. Në emisionin HARD TALK NGA ROLAND QAFOKU, Alibeaj përsërit emrat e Gjovalin Lokajt dhe Albert Dervishit që kanë qenë pjesë e Sigurimit. Gjatë emisionit, gazetari Qafoku kujtoi se Loka dhe Dervishi kanë punuar edhe gjatë kohës që PD ka qenë në pushtet.
-Sigurimi i Shtetit sot ka kapur policinë. Mbi 500 persona që kanë punuar në Sigurimin e Shtetit dje, që kanë lyer duart me gjak ne vetë të parë, sot janë marrë dhe drejtojnë Policinë e Shtetit.
-Mund të na thuash ndonjë emër?
-Albert Dervishi, Gjovalin Loka.
-Kanë qenë agjentë të Sigurimit të Shtetit?
-Spiunë. Unë kam dalë në deklaratë për këtë çështje.
-Albert Dervishi dhe Gjovalin Loka e kanë nisur karrierën dhe kanë punuar edhe në qeverisjen e PD në ’92-’97 dhe 2005-2013.
-Më the thuaj dy emra dhe të thashë dy emra. Dhe janë dy zëvendës-drejtorë të Policisë së Shtetit.
-Kanë punuar dhe në administratën tuaj.
-Po diskutojmë janë-s’janë sigurimsa apo kur kanë punuar? Diktatura është kthyer në emra, është kthyer në strukturë, është kthyer në mënyrë të menduari, është rikthyer dhe si një regjim politik./Fjala.al/Ke.Ba
