Të gjithë e njohin, të gjithë e duan, femrat e adhurojnë për pamjen dhe forcën e saj. Roli që iu besua i dha famë aktores së njohur gjermane Meryem Uzerli, apo siç ajo u bë e njohur “Sulltanesha Hyrrem” në serialin turk “Sulejmani i madhërishëm” po përjeton një tjetër ndryshim të madh në jetën e saj.
Bukuroshja flokëkuqe është kthyer në një ndër aktoret e preferuara të vendit dhe së fundmi befasoi fansat e saj me lajmin e bukur!
Meryem do të bëhet nënë për herë të dytë dhe është në muajin e pestë të pritjes së ëmbël.
Këtë lajm ajo e dha në një intervistë për revistën “Zamazingo”, duke zbuluar edhe gjininë e foshnjes. Aktorja do të sjellë në jetë një tjetër vajzë, pas vajzës së saj të parë 7-vjeçare, Lara.
Teksa i është përkushtuar biznesit të saj në Berlin, aktorja është fotografuar për herë të parë me barkun e rrumbullakosur.
Gjatë hapjes së lokalit të saj, Meryem u shfaq e veshur me një këmishë të bardhë dhe një fustan me kuadrata.
Barku i saj i rrumbullakosur ra shumë në sy dhe aktorja dukej tepër e lumtur dhe ndihej e bekuar teksa buzëqeshte gjatë gjithë kohës.
“Jam 5-muajshe shtatzënë. Pres që beben ta lind në janar. Lara prej kohësh dëshironte një motër”- ka treguar më herët Meryem. Ru. Do/ Fjala.al
