Avokati i gjyqtares Mimoza Margjeka, e lënë në arrest shtëpie për korrupsion, ka thënë se proccesi ka shumë dritëhije dhe sipas tij është vepruar me standarde të dyfishta.
“Është vepruar me standade të dyfishta. Procesi ka shumë dritëhije”, ka thënë avokati.
Gjyqtarja e Apelit të Korçës Mimoza Margjeka është lënë në arrest shtëpie pasi akuzohet për korrupsion.
Ndërkohë në pranga ka përfunduar bashkëshorti i saj Arben Çara, dhe dy të tjerë, pasi do të merrnin 6 mijë deri në 10 mijë euro për lirimin e të dënuarit Orion Bali.
Sipas dosjes hetimore në përgjime del fillimisht Nejson Bali, vëllai i personit të dënuar i cili telefonon të ëmën dhe i thotë se gjyqtarja kërkon 6 mijë euro, duke qenë se trupa gjykuese përbehej nga tre gjyqtarë.
“Kërkojnë fillimisht 6 mijë euro. Janë 3 gjyqtarë nga 2 mijë secili”, i ka thënë Nejson Bali nënës.
Nga hetimet e SPAK ka rezultuar se Nejton Bali, Klaudjo Zhilla dhe Skënder Demiraj (në bashkëpunim me njëri tjetrin, kanë konsumuar veprën penale “Korrupsioni aktiv i gjyqtarit, prokurorit dhe i funksionarëve të tjerë të drejtësisë”, duke i dhënë Mimoza Margjeka, me detyrë gjyqtare, aktualisht e komanduar në Gjykatën e Apelit Korçë, nëpërmjet bashkëshortit të saj, Arben Cara, një shumë prej 6.000 eurosh, si përfitim të paligjshëm.
Kjo shumë parash, është dhënë me qëllim ndryshimin e masës së sigurimit, nga “arrest në burg” në “garanci pasurore”, ndaj shtetasit Orion Bali, i arrestuar nga Prokuroria pranë Gjykatës së Shkallës së Parë Pogradec, për veprën penale “Ndihmë për kalim të paligjshëm të kufijve”, parashikuar nga neni 298/3 i Kodit Penal. Në shkëmbim të përfitimit të paligjshëm ka rezultuar se Gjykata e Apelit Korçë ka ndryshuar masën e sigurimit nga “arrest në burg” në “garanci pasurore”, për këtë shtetas./Bl.Ba/Fjala.al
