Një gazetar pakistanez është arrestuar në qytetin Karaçi, nën akuzat se ka shpërndarë në rrjetet sociale, materiale me tone urrejtjeje ndaj ushtrisë së vendit.
Bilal Farooqi, që punon për gazetën në gjuhën angleze Express Tribune, është arrestuar në shtëpinë e tij ditën e djeshme .
“Përmes postimeve në rrjetet sociale, Bilal Farooqi ka shpifur kundër Ushtrisë pakistaneze dhe në këto postime ai ka përdorur elemente anti-shtetërore”, thuhet në raportin policor të cilin e ka vëzhguar agjencia e lajmeve Reuters.
Në po këtë raport po ashtu pretendohet se gazetari përmes rrjeteve sociale ka nxitur urrejtje fetare dhe ka tentuar të nxisë kryengritje kundër ushtrisë.
Familja e gazetarit Farooqi tha për mediat sociale se policia ka konfiskuar telefonin e tij dhe ka bastisur shtëpinë e gazetarit.
Nga ana tjetër gazetarët dhe avokuesit për liri të shtypit e kanë akuzuar Ushtrinë pakistaneze dhe agjencitë e tjera se po i bëjnë presion mediave që të zbusin kritikat e tyre ndaj ushtrisë, gjatë raportimeve mediale. Ru. Do/ Fjala.al
