55-vjeçari, shofer i automjetit ‘Benz’ është bërë shkaktar për aksidentin e tmerrshëm që ndodhi pasditen e sotme në dalje të Tunelit të Elbasanit ku humbën jetën dy vajza të reja.
Bëhet me dije se 55-vjeçari, Behar Pema ka qenë duke udhëtuar me shpejtësi shumë të lartë, ndërsa dyshohet se gjithashtu ka qenë në gjendje të dehur në momentin kur është përplasur me automjetin ku udhëtonin 4 vajzat.
Makina e vajzave ka humbur kontrollin dhe është përplasur më pas me bordurën. Si pasojë e përplasjes së fortë, makina ku udhëtonin 4 vajzat është shkatërruar plotësisht.
Dy vajza përkatësisht të moshës 22 dhe 23-vjeç kanë ndërruar jetë në spital ndërsa u desh 30 minuta të nxirreshin nga automjeti. Dy të plagosurat e tjera u dërguan me urgjencë në spital, ku njëra prej tyre ndodhet në gjendje kritike për jetën./re.gu/Fjala.al
