Një plagosje me armë zjarri është shënuar këtë mbrëmje në qytetin e Lushnjës. Ngjarja ka ndodhur në fshatin Fier-Shegan, ndërsa bëhet me dije se i plagosur ka mbetur një shtetas 31-vjeç.
Burimet zyrtare bëjnë me dije se po punohet për identifikimin e dy autorëve që besohet se kanë plagosur të riun.
Dyshohet se plagosja ka ndodhur pas një konflikti të çastit, por ende rrethanat janë të paqarta.
Janë ngritur edhe pika kontrolli në akset rrugore, pasi dyshohet se autorët mund të jenë larguar me automjet.
Njoftimi i policisë:
Lushnjë/Informacion paraprak
Në fshatin Fiershegan, Lushnjë, dyshohet se pas një konflikti tw çastit, ka mbetur i plagosur me armë zjarri shtetasi M. A., 31 vjeç, banues në Tiranë, i cili aktualisht ndodhet në spitalin e Lushnjes, nën kujdesin e mjekëve, jashtë rrezikut për jetën.
Shërbimet e Policisë me marrjen e njoftimit kanë shkuar menjëherë në vendngjarje, kanë rrethuar zonën si dhe janë ngritur pika kontrolli për të bërë të mundur kapjen e autorëve, të cilët janë larguar nga vendngjarja.
Grupi hetimor ndodhet në vendngjarje dhe nën drejtimin e Prokurorisë vijon puna për sqarimin e rrethanave të ngjarjes, identifikimin dhe kapjen e autorëve.
