Ministri i Brendshëm, Sandër Lleshaj ka deklaruar se do të jetë në detyrë deri në zgjedhjet e ardhshme.
Duke folur nga Shkodra, për zgjedhjet e 2021, Ministri tha se ato do të jenë zgjedhjet më të mira në historinë e saj, ndërsa në fund shumë shkurt konfirmoi se do të jetë pjesë e zgjedhjeve.
“Nuk kemi sinjalizime për aktivitetet kriminale, por policia e shtetit do të jetë absolutisht e aftë për të menaxhuar situatën e zgjedhjeve. Shqipëria do të ketë padiskutim zgjedhjet më të mira në historinë e saj”, u shpreh Lleshaj.
Ndërsa i pyetur nga gazetarët nëse zgjedhjet e ardhshme do jenë me apo pa ju, Lleshaj tha: “Me, me”.
Kujtojmë se Lleshaj në një deklaratë të mëparshme nga Vlora tha se nuk do të jetë i përhershëm në qeveri dhe as ministër.
Sakaq ministrja Besa Shahini është ministrja e parë që është larguar nga posti i Ministrisë së Arsimit, ndërsa u zëvendësua nga deputetja e PS për Elbasanin, Evis Kushi./Bl.Ba/Fjala.al
