14 shtatori i këtij viti ka shënuar ditën e parë të shkollës për të gjithë nxënësit. Pas një shkëputje disa mujore nga bankat e shkollës, mijëra fëmijë mes emocionesh janë kthyer në ambientet shkollore. Me këtë rast, të shumta kanë qenë edhe mesazhet e urimit që kanë marrë të gjithë fëmijët.
Me këtë rast, kryeministri Edi Rama ka postuar në rrjete sociale një fotografi të djalit të tij në ditën e parë të shkollës. I veshur me një kostum sportiv dhe me një buqetë me lule në duar, kryeministri i uron djalit të tij Zahos, por jo vetëm, dashuri, shëndet dhe sa më shumë gëzime.
“Dita e parë emocion i rrallë?
Zoti i bekoftë të gjithë fëmijët që sot nisën shkollën dhe i mbroftë gjithnjë bashkë me prindërit e gjyshërit e tyre të pazëvendësueshëm?
Dashuri, shëndet e gëzime paçin gjithmonë?”, shkruan Rama./Er.Ke/Fjala.al
