Reshat Arbana ka lindur më 15 shtator të vitit1940 në Tiranë. Ai është një aktori madh i kinemasë dhe skenës shqiptare.
Reshat Arbana ka interpretuar rreth 35 personazhe në filma dhe teatër.
Roli i parë i Arbanës ishte në 1963. Pasi mbaroi studimet në shkollën e aktrimit Aleksandër Mojsiu, pranë Teatrit Kombëtar të Shqipërisë, në 1968 Arbana filloi të punonte në Radio Tirana.
Nga 1977 deri në kohën e daljes në pension, ai punoi si aktor në Teatrin Kombëtar.
Arbana është dalluar për interpretimin e tij mjeshtëror të roleve të tij.
Për meritat e tij në aktrim ai ka fituar çmimin Artist i Popullit.
Ndër rolet më të spikatura në film janë: Samiu tek “Fije që priten” 1976
Prefekti tek “Gjeneral gramafoni” 1978
Bimbashi tek “Liri a vdekje” 1979
Isa Boletini tek “Nëntori i dytë” 1982
Ahmeti tek “Dora e ngrohtë” 1983
Adnani tek “Hije që mbeten pas” 1985
Aliu tek “Binarët”1987
Kuke Memini tek “Balada e Kurbinit” 1990
Për rolet e Dajlan Beut tek “Kush vdes në këmbë”1984
dhe Kryetarit të Këshillit tek “Kur hapen dyert e jetës” 1986
Aktori i mirënjohur ka fituar Medalionin e Festivalit të Filmit më 1985 e 1987.
Më 7 tetor 2011 Presidenti i Republikës, Bamir Topi i akordoi zotit Reshat Arbana Urdhrin “Nderi i Kombit” me motivacionin: “Aktorit të shquar të teatrit dhe kinematografisë, i cili me interpretimin mjeshtëror dhe origjinalitetin e tij u bë një artist popullor e shumë i dashur për publikun, rolet e të cilit kanë pasuruar me vlera të paçmueshme kulturën kombëtare.” Ru. Do/ Fjala. al
