Detaje të reja janë zbardhur mbi atentatin e kryer mbrëmjen e djeshme mbi Preng Gjinin. Nipi i Preng Gjinit, Fatjon Dautaj ka deklaruar përpara policisë që Prenga i kërkoi mjetin “Benz A Class” pasi e tija ” ML” s’kishte karburant.
Gjatës dëshmisë së tij, nipi i Preng Gjinit shtoi se sapo ishte kthyer nga nga Lushnja ku merret me tregtimin e librave. Siç kemi raportuar më herët Gjini lëvizte gjithmonë me kushëririn e tij në vendin e pasagjerit.
Preng Gjini mbërriti në afërsi të vendngjarjes 15 minuta para shpërthimit. Në momentin e shpërthimit ai ka qenë vetëm në makinë ndërkohë që sasia e eksplozivit ishte vendosur në vendin e pasagjerit.
Aktualisht Gjini ndodhet në spitalin e Traumës, në gjendje të stabilizuar. Shpërthimi i eksplozivit i ka shkaktuar 51-vjeçarit dëmtime në kokë, në fytyrë në duar dhe sipas burimeve Gjinit i është hequr një pjesë e zorrëve pasi ishte dëmtuar shumë.
Deri në këto momente policia ka shoqeruar 6 persona si të dyshuar apo mund të jenë në dijeni për atentatin ndaj Preng Gjinit. Personat e shoqëruar janë nga Tirana, Durrësi dhe Rrësheni. Policinë ka marrë tabulatet telefonike në katër antenat e zonës Vasil Shanto për të analizuar thirrjet hyrëse dhe dalëse.
Pista kryesore e hetimeve është ajo e një atentati për hakmarrje, në lidhje me vrasjen e Kastriot Reçit. Gjini jetonte vetëm pasi gruaja dhe vajzat e tij jetojnë në Shtetet e Bashkuara të Amerikës./Jo.Be/Fjala.al
