Virusi Covid-19 i cilësuar si një virus I cili sjell ndërlikime të mëdha në shëndetin e njëriut deri në vdekjen e tij, dallohet nga një sërë simptomash që edhe pse të ngjashme me gripin e thjeshtë sezonal e identifikojnë këtë infeksion nga të tjerët.
Një prej këtyre simptomave është edhe humbja e nuhatjes, shqisë e cila humbiste pothuajse plotësisht tek personat e infektuar me koronavirus.
Por së fundmi ekspertët kanë dalluar një tjetër simptomë tek këta persona, e quajtur parosmia ose shtrembërimi I nuhatjes.
Anosmia (humbja totale e nuhatjes) është një gjendje e pazakontë dhe e bezdisshme, parosmia duket se është edhe më shumë. Kjo sepse shtrembërimi i aromës ndodh me erëra të njohura. Aromat e këndshme zëvendësohen me erëra të pakëndshme, siç janë perimet e kalbura ose tymi i cigares.
Parosmia e bën ushqimin të pangrënshëm dhe vështirëson veprimet në jetën tone të përditshme, si larja e enëve apo e dhëmbëve.
Rikuperimi i ndjenjës së nuhatjesi cili tek pacientët me Covid-19 mund të ndodh për 1-2 javë, ndoshta edhe më shumë, është shumë i ngadaltë pasi neuronet e nuhatjes kërkojnë shumë kohë për t’u rigjeneruar.
Çfarë thonë ekspertët për këtë? Disa kanë vërejtur se parosmia, e cila është një simptomë e rikuperimit të aromës, është kalimtare, por te disa njerëz mund të zgjasë me vite. Dr. Claire Hopkins, president i Shoqatës Rinologjike Britanike, tha se është e gabuar të mendosh se humbja ose ndryshimi i nuhatjes që shkakton koronavirusi është jetëshkurtër. Ka shumë mundësi për shërim, por ka shumë njerëz që do të humbin nuhatjen e tyre për një periudhë të gjatë kohore, me pasoja serioze në jetën e tyre. Në fakt, shqisa e nuhatjes luan gjithashtu një rol të rëndësishëm në kujtesë, gjendje shpirtërore, emocione dhe ata që vuajnë nga mosfunksionimi i saj përshkruajnë një ndjenjë izolimi dhe frustrimi. /Ra.My.Fjala.al/Co
