Ka një diskutim ditët e fundit për ata gjyqtarë të larguar nga vettingu, por që po ndjekin procesin gjyqësor. Madje ka padi edhe drejt Gjyaktës së të Drejtave të Njeriut në Strasburg. Në emisionin HARD TALK NGA ROLAND QAFOKU, Kryetari i komisionit Parlamentar të Ligjeve, Ulsi Manja deklaron se është e drejtë e tyre për ta bërë këtë, por edhe në rast se fitojnë, asnjë gjyqtar i larguar nga vettingu nuk mund të kthehet më në sistem.
-Disa çështje janë drejtuar drejt gjykatës së Strasburgut. Kjo krijon një ngërç akoma më të madh nëse ata fitojnë një proces gjyqësor atje.
-Natyrisht që vettingu si proces ka garantuar mjetet e nevojshme ligjore të ankimit për subjektet e rivlerësimit. Është Kolegji i Posaçësm i Apelimit shkalla e dytë, e më pas për proces të rregullt ligjor subjektët e rivlerësimit që janë larguar nga procesi i vettingut, ka raste që janë drejtuar dhe në Gjykatën e Strasburgut. Akoma nuk ka një vendimmarrje në Gjykatën e Strasburgut por Kolegji i Posaçëm i Apelimit nga numri i subjekteve që janë ankimuar 155 vendime kanë marrë formën e prerë. Dhe diferencat e vendimmarrjes nga Komisioni i Pavarur i Kualifikit te Kolegji i Posaçëm i Apelimit, por shumica e rasteve kanë qenë në përputhje të plotë. Sigurisht që kjo ka një faturë financiare të caktuar, por ata nuk kthehen më në sistem. Subjektet e larguara nga procesi i vettingut nuk mund të bëhen më pjesë e sistemit. Sepse ky është rregulli i vendosur dhe i përcaktuar në ligjin e rivlerësimit. Ata mund të fitojnë dëmshpërblim, por nuk mund të bëhen më pjesë e sistemit./Fjala.al/Ke.Ba
