Duket sikur askush nuk ka mbetur pas në Kosovë. Mijëra vetë i janë drejtuar bregdetit shqiptar pavarësisht uljes së menjëhershme të temperaturave dhe kushteve të motit, të cilat nuk janë bërë aspak pengesë në këtë fundjavë për ta.
Kolonat e mjeteve dhe fluksi në Morinë është thuajse i njëjtë me fundjavën e kaluar. Më shumë se 7 mijë qytetarë të Kosovës, në orët e paradites kaluan kufirin e destinacioni i tyre mbetet bregdeti.
Fluksi i lëvizjes është ndjerë përgjatë gjithë Rrugës së Kombit.
Shumë prej tyre janë me pushime të shkurtra ditore apo fundjavë, por ka edhe nga ata që preferojnë pikërisht javën apo dhjetë ditëshin e fundit të shtatorit si kohë e përshtatshme për plazh.
Policia kufitare në Morinë vijon të aplikojë procedurën e përshpejtuar për shmangien e radhëve të gjata e qëndrimet e panevojshme në kufi./Bl.Ba/Fjala.al
