Presidenti i Kosovës, Hashim Thaçi ka zhvilluar një takim zyrtar me Presidentin e Turqisë, Recep Tayyip Erdogan.
Nëpërmjet një statusi në facebook Thaçi bën me dije që ndër të tjera u diskutuan çështje rajonale dhe globale.
Takimi u zhvillua në rezidencën presidenciale Vahdettin në Stamboll. Në takim ishte i pranishëm edhe ideri i AKR-së, Behgjet Pacolli.
Ky është takimi i parë i Thaçit që nga aktakuzat për krime lufte nga Gjykata Speciale. /Jo.Be/Fjala.al
Statusi i plotë i HashimThaçit:
“Mirënjohës për mikpritjen e ngrohtë nga Presidenti i Turqisë, Recep Tayyip Erdogan, si dhe për bisedën produktive për të gjitha çështjet me interes të përbashkët, përfshirë bashkëpunimin dypalësh, çështjet rajonale dhe globale. Turqia është një partnere strategjike, e cila ka mbështetur forcimin e subjektivitetit ndërkombëtar dhe zhvillimin ekonomik të Kosovës”, ka shkruar ai në Facebook.
