Një temë shumë e rëndësishme që u diskutua në emisionin HARD TALK NGA ROLAND QAFOKU, është edhe kërkimin shkencor. Ish -ministri i Arsimit Myqerem Tafaj bëri një llogari dhe rezultoi se në një vit kalendarik një pedagogu në universitetet shqiptare i takojnë të ketë në dispozicion vetëm 500 dollarë për të bërë kërkim shkencor.
Në opinionin e gjerë, ekziston ideja “do bëjmë ne shkencë”. Pandemia solli në ekranet e televizioneve talentet shqiptare të mjekësisë. Tërmeti solli talentet e inxhinierisë. Shqipëria ka profesorë të shquar në botë. Teza se shqiptarët janë të paqenë në shkencë qarkullon në tavolinat e vendeve ballkanike. Shqiptarët kanë potencial për të bërë shkencë. Në momentin që u është dhënë mundësia kanë shkëlqyer, kanë marrë çmime, drejtojnë sot fakultete, drejtojnë grupe kërkimore, drejtojnë qendra kërkimore, janë profesorë. Kemi 7-8 mijë pedagogë me kohë të plotë dhe rreth 2 mijë që janë me kohë të pjesshme. Të gjithë janë në kontakt me dijen. Të gjithë këta mund të bëjnë kërkime dhe studime. Financimi është qesharak. Financimi është 6.4 milionë dollarë. Hiq nga këto rreth 1.5 milionë dollarë që paguhet në BE pjesëmarrja jonë në programin Eurozone , mbeten 5 milionë dollarë. Pjesëto 5 milionë dollarë me 10 mijë pedagogë dhe del 500 dollarë për një vit. Deri më sot nuk ka asnjë thirrje, ndërkohë që në tetor mbyllen procedurat. Ne jemi më pak se 0.1%. Unë nuk njoh ndonjë vend që të jetë zhvilluar pa dije. Vendet që nuk kanë investuar për dijen dhe shkencën kanë mbetur gjithmonë të varfra./Fjala.al/Ke.Ba
