Eksperti i njohur Kim Sneppen është shprehur se Suedia duke refuzuar izolimin arriti imunitetin e tufës, gjë që po e ndihmon të mposhtë Covid-19.
Ata ishin i vetmi shtet në Evropë që nuk pati masa të rrepta bllokimi në fillim të pandemisë. Por, shkencëtarët besojnë se kjo mund ta ketë ndihmuar atë të shmangë një valë të dytë të Covid-19 pasi vazhdon të regjistrojë numrin më të ulët të rasteve që nga muaji mars, me vetëm 28 infeksione për 100,000 njerëz.
Kjo shifër është më pak se gjysma e shkallës së infeksionit të Mbretërisë së Bashkuar prej 69 për 100,000 njerëz. Profesori Kim Sneppen, në Institutin Niels Bohr në Kopenhagë, tha se Suedia mund të ketë mposhtur pandeminë.
‘Ka disa prova që suedezët kanë krijuar një shkallë të imunitetit ndaj virusit, e cila, së bashku me atë që po bëjnë për të ndaluar përhapjen, është e mjaftueshme për të kontrolluar sëmundjen”, tha ai.
Suedia fillimisht u kritikua në fillim të shpërthimit pasi regjistroi një rritje të shkallës së vdekshmërisë që ishte pesë herë më e madhe se ajo e Danimarkës dhe dhjetë herë ajo e Norvegjisë dhe Finlandës, por mesatarja e saj shtatë ditore për vdekjet e shkaktuara nga Covid-19, është tani zero.
Pa.Va/Fjala.al
