Gjykata ka marrë vendimin për arrest shtëpie për këngëtaren kosovare, Fjolla Morina e cila u kap me dy pistoleta me vete ndërsa kalonte kufirin e Morinës për të hyrë në territorin shqiptar.
Këngëtarja u paraqit mëngjesin e sotëm në Gjykatën e Kukësit e cila shtyu seancën nga ora 08:20 për në 13:30. Për ti shpëtuar burgut, këngëtarja tha se ishte dy muajshe shtatzënë duke falsifikuar ekon e shtatzënisë kur pasi u mësua mashtrimi, doktori që i bëri ekon u arratis nga Kosova.
Në gjyq u paraqitën edhe dy shoqëruesit e saj që ndodheshin me të në makinë, biznesmeni 29-vjeçar me origjinë nga Gjilani që jeton në Belgjikë, Fisnik Syla dhe Fitim Muji, shoferi personal i Fjolla Morinës.
Këngëtarja, e cila u kap më 19 shtator në Morinë, tha se nuk e dinte që kishte dy pistoleta me vete në çantë. Para hetuesve, Fjolla Morina është shprehur se pistoletën ia kishte bërë dhuratë një miku i saj nga Gjermania i cili nuk jeton më./Re.Gu/Fjala.al
