Mjekët kanë paralajmëruar që do të zhvillojnë nesër një protestë para spitalit nr.1 në Qëndrën Spitalore Universitare Nënë Tereza.
Protesta do të zhvillohet nesër në orën 10:00 nën kushtet e sigurisë dhe shëndetit.
Mjekët depozituan një kërkesë në polici për të realizuar protestën por i është refuzuar. Policia është shprehur që nuk lejohen grumbullimet në kohë Covid.
Sindikata e mjekëve ka hartuar një shkresë me disa kërkesa.
1.Të shpallen dëshmorë mjekë që humbin jetën
2.Të bëhet sigurimi i jetës së personelit shëndetësor
3.T’i sigurohen të gjitha kushtet personelit shëndetësor.
4. Rritje e vlerësueshme e trajtimit financiar për personelin shëndetësor
Kërkesa është firmosur nga Anila Dokle, Arjan Harxhi, Arjan Mezini, Alban Dibra, Alfred Gega, Alketa Hoxha, Arvin Dibra, Alban Dibra,Amarildo Belshi, Gentian Stroni dhe Artan Distafa./Jo.Be/Fjala.al
Njoftimi i plotë i SPShSh:
Ju lutem gjeni bashkëngjitur njoftimin për shtyp të Sindikatës së Punonjësve të Shërbimit Shëndetësor, SPSHSH, të cilët do të organizojnë një protestë një orëshe ditën e Enjte, më 24 shtator 2020, ora 10:00, në sheshin para spitalit nr. 1, pranë Qendrës Spitalore Universitare “Nënë Tereza”, Tiranë.
Protesta ka për qëllim sensibilizimin dhe llogaridhënien e institucioneve përgjegjëse për garantimin e pagave dinjitoze dhe kushteve të sigurisë dhe shëndetit në punë për punonjësit shëndetësorë për mbrojtjen e shëndetit dhe jetës së tyre në luftën me COVID-19.
