Kryministri Rama ka thirrur në një takim mjekët të cilët paralajmëruan për zhvillimin e një proteste.
Bluzat e bardha nënshkruan një peticion me katër kërkesa për qeverinë. Kreu i qeverisë i ka ftuar në diskutim mjekët nesër në orën 09:00 në ambientet e kryeministrisë.
Mjekët paralajmëruan pak orë më parë për zhvillimin e një proteste në oborrin e QSUT. Menjëherë pas dorëzimit të kërkesës për leje policia refuzoi me arsyen se nuk lejohen grumbullime gjatë kohës Covid.
Sindikata e mjekëve ka hartuar një shkresë me disa kërkesa.
1.Të shpallen dëshmorë mjekë që humbin jetën
2.Të bëhet sigurimi i jetës së personelit shëndetësor
3.T’i sigurohen të gjitha kushtet personelit shëndetësor.
4. Rritje e vlerësueshme e trajtimit financiar për personelin shëndetësor
Kërkesa është firmosur nga Anila Dokle, Arjan Harxhi, Arjan Mezini, Alban Dibra, Alfred Gega, Alketa Hoxha, Arvin Dibra, Alban Dibra,Amarildo Belshi, Gentian Stroni dhe Artan Distafa./Jo.Be/Fjala.al
