Kryetarja e Bashkisë së Shkodrës, Voltana Ademi u infektua nga Covid-19. Ajo pas konfirmimit me Covid nuk është paraqitur në zyrë.
Ditën e djeshme kryebashkiakja Ademi ka bërë testin për Covid-19. Sipas burimeve, gjendja shëndetësore e Ademit është mirë dhe nuk ka simptoma, por ka dyshuar pas kontakteve që ka pasur me persona të tjerë që më pas kanë rezultuar të infektuar.
Tashmë pritet që edhe punonjës dhe drejtues të tjerë të bashkisë Shkodër, që kanë pasur kontakte me kryebashkiaken, t’i nënshtrohen tamponëve dhe pritet të merren masa për dezinfektimin e zyrës së kryebashkiakes dhe mjediseve të tjera brenda bashkisë ku Ademi mund të ketë lëvizur.
Për shkak të kësaj situate, Voltana edhe pse nuk e ka përmendur në asnjë moment infektimin e saj , në një status në Facebook shprehet se sot do të kishte dashtë me kenë me miqtë e Za Fest, por për arsye se ndodhet në vetëizolim ajo nuk do të mundë të shkojë.
“Sot kisha me dashtë me kenë me miqtë e Za Fest! Një nga gjanat e mira që ka me u rritë bashkë me dashninë për qytetin e përbashkët.
Faleminderit ZA Fest, mirënjohje Vlashent Sata!
Shkodra ka me e majtë zemrën hapë për bijtë e bijat e saj që e bëjnë krenar. Arti flet me gjuhën e shpresës dhe andrrës: mendim i mirë rri me ne edhe këtë herë (Za Fest)!…
Ndodh vetëm në Shkodër”, shkruan Ademi./Bl.Ba/Fjala.al
https://www.facebook.com/ademi.voltana/posts/2732157337031976
