Ditën e sotme është zhvilluar në Gjykatën Penale të Tiranës seanca për vrasjen e Lirie Xhepës nga kunati i saj Dashamir Xhepa.
Në seancë ka qenë edhe djali i viktimës, Marjus Xhepa, i cili ishte në cilësinë e dëshmitarit.
Ai u shfaq ende i tensionuar nga ngjarja e rëndë, saqë në sallë u dëgjua shpesh herë të kërcënonte xhajën e tij.
“Kisha 7 vite që s’i flisja, problemet nisën që kur vdiq babi, ai ishte zënë me të gjithë. Mami kishte marrë urdhër mbrojte se ai i kërkonte para.
E ndiqte nga mbrapa, unë për këtë arsye jam zëne me atë. 6 muaj para se të ndodhte ngjarja mami kishte filluar punë në një fabrikë këpucësh.
E shoqëroja çdo ditë në punë për arsye se ai i shkonte gjithmonë nga mbrapa. Ai ishte i papunë, natën e ngjarjes ai i ka marrë mamit nga çanta 500 euro të cilat nuk janë gjet akoma.
Më 13 shkurt unë e kam dërguar mamin në punë dhe e kam parë Dashamirin duke na ndjekur, por sa e pashë unë ai u fsheh pas një makine. Më pas jam nisur drejt Fierit për të takuar vëllain që kisha në burg. Jam kthyer në darkë rreth orës 21 në Tiranë.
Në mëngjes më ka zgjuar polica të cilët me kanë thirrur për të parë nëse gruaja e vrarë ishte nëna ime. Vendin ku u vra nëna ime e kam rreth 300 metra larg shtëpisë.
Kishte 7 vjet që më thoshte se do vrasë mamanë, por unë i thoja merru me mua. Ju me kuptoni unë po dridhem i tëri (ishte i tensionuar), ai është legen se nuk u mor me mua por me një femër,” tha 25-vjeçari.
Pa.Va/Fjala.al
