Në emisionin HARD TALK NGA ROLAND QAFOKU, Bledi Çuçi ka deklaruar se çdo produkt që mban vulën e AKU dhe është i certifikuar, është 100% i sigurt për konsum. Gjithashtu ministri i Bujqësisë dhe Zhvillimit Rural ka bërë thirrje për qytetarët që të jenë të vëmendshëm ndaj këtij detaji.
-Nuk thua dot që siguria ushqimore është në shkallën maksimale.
-Në shkallën maksimale nuk thua dot sepse një vit nga këta dy vjet na i mori pandemia. Megjithatë në pandemi, AKU ka qenë çdo ditë në punë dhe ka bërë një punë të lavdërueshme. Siguria ushqimore është një fushë shumë e gjerë që fillon që nga trajtimi i barit në kullotë në majë të Çajupit dhe përfundon te skuta më e fundit e përpunimit të produkteve bujqësore. Është një fushë shumë e gjerë. Ajo që kam bërë unë është që ta ngre në sistem kontrollin për garantimin e sigurisë ushqimore. Ngritja në sistem bën të mundur që pavarësisht çfarë vjen pas meje apo kush do jetë drejtori i radhës i AKU-së, duhet që sistemi të funksionojë. Unë këtu e kam përqendruar gjithë betejën time. Përgjegjësia ime është që ajo që del me vulë, që del në publik, që ka licencë, që ka vulën e AKU-së, shqiptari të jetë 100% i sigurt për këtë gjë. Ajo që është me vulën tonë dhe që ka pa diskutim të gjitha hallkat shtetërorë, është 100% i sigurt./Fjala.al/Ke.Ba
