Detaje të reja janë zbardhur nga ngjarja e ndodhur pak minuta më parë në qytetin e Elbasanit ku një person ka qëlluar me armë zjarri n-ë drejtim të policisë dhe qytetarëve.
Të shtënat ndaj policisë të ndodhura mesditën e sotme ndaj policisë, vijojnë pavarësisht thirrjeve për dorëzim.
Nga të dhënat paraprake bëhet me dije se dy kalimtarë të rastit kanë mbetur të plagosur lehtë në kohën që i dyshuari, ka qëlluar ndaj policisë.
Forcat e policisë janë pozicionuar dhe kanë vendosur perimetrin e sigurisë dhe vijojnë ti bëjnë thirrje të dyshuarit që të dorëzohet.
Banesa është rrethuar nga forcat “Shqiponja” dhe në ndihme po mbërrijnë forcat RENEA dhe FNSH
Policia u njoftua mesditën e sotme për një konflikt në familje dhe në momentin që ka mbërritur në vendin e ngjarjes është përballur me të shtëna.
Ngjarja po ndodh në lagjen “11 Nëntori”, ku i dyshuari për të shtënat është identifikuar si Lefter Zh., i cili është izoluar në një banesë dhe qëllon drejt policisë duke bërë rezistencë./Bl.Ba/Fjala.al
