Ministri i Bujqësisë dhe i Zhvillimit rural Bledi Çuçi ka në vartësi edhe sektorin e peshkimit. Gjatë emisionit HARD TALK NGA ROLAND QAFOKU, Çuçi tregoi edhe një histori të inspektimeve të tij. Gjatë javës që shkoi ai ka qenë pjesë e punës së anijes Rozafa dhe me të cilën dolën në det për peshkim. Çuçi tha se atë ditë kapën 40 tonë peshk.
-Kishe nxjerrë 75 foto dhe video duke kapur peshk, por ti nuk po kapje asnjë peshk.
-Po çfarë, të kapja peshkun dhe të fillonin komentet si Byroja Politike. Megjithatë unë jam ministër që të kapë sektori peshk, jo të kap unë. Atë ditë sa për informacion, kemi zënë 40 tonë peshk brenda një nate gjuetie, vetëm ajo anije.
-Sa kapnin zakonisht ata?
-Ajo ishte dita e parë e sezonit.
-Po ditën e dytë të sezonit sa u kapën?
-Ditën e dytë u kapën 35 tonë, por mund të kapej dhe 45./Fjala.al/Ke.Ba
