Dikur jetonte si mbret, kishte pothuajse gjithçka, por tani ka përfunduar në lypës për ta fituar bukën e gojës. I tillë është rasti i ish-basketbollistit të NBA-së, Delonti Uest. Shumica e sportistëve nëpër botë, fitojnë miliona gjatë karrierës dhe jetojnë si në përralla, me pushime luksoze dhe blerje të gjërave të ndryshme.
Por kjo nuk është gjithmonë e sigurt, pasi një numër i madh i tyre, pas fundit të karrierës, nuk përfundojnë mirë. I tillë është rasti i ish-yllit të NBA-së, Delonti Uest. Ish basketbollisti i Boston Sëlltiks, Klivlend Kavaliirs dhe Dallas Maveriks, ka tërhequr vëmendjen e gjithë botës pas disa pamjeve të publikuara së fundmi.
Ai ka përfunduar në rrugë, duke kërkuar lëmoshë për të fituar bukën e gojës, ndërsa dikur fitonte të paktën 16 milionë euro në sezon. Dikur Uesti luante me legjendën LëBron Xhejms tek Klivlend Kavaliirs. Ai luajti 432 ndeshje për disa ekipe në ligën më të fortë në botë, NBA nga viti 2004, deri në vitin 2012, kur i dha fund karrierës.
Më pas, Uesti nuk kishte më në llogaritë e tij milionat që i fitonte çdo sezon dhe pas një keqmenaxhimi dhe problemeve mendore, ai tani ka përfunduar në lypës dhe është i pastrehë.
La.Mi/Fjala.al
