Policia e Tiranës ka parandaluar përshkallëzimin e një konflikti mes dy personave, duke arrestuar njërin prej tyre. Ngjarja ka ndodhur në Kamëz, ndërsa sipas policisë i arrestuari është shtetasi G. N., 51 vjeç, banues në Tiranë.
Ndërhyrja në kohë e Policisë parandalon përshkallëzimin e mëtejshëm të një konflikti të ashpër mes dy shtetasve, për motive pronësie.
Gjithashtu është sekuestruar arma e gjahut çifte, të cilën 51-vjeçari e kishte me leje.
Specialistët për Hetimin e Krimit në Komisariatin e Policisë Nr. 5 bënë arrestimin në flagrancë të shtetasit G. N., 51 vjeç, banues në Tiranë.
Ky shtetas, pas një konflikti për motive pronësie me shtetasin G. B., me vetëgjyqësi ka qëlluar në drejtim të këtij shtetasi, pa e dëmtuar atë, duke prishur rendin dhe qetësinë publike.
Falë reagimit dhe ndërhyrjes në kohë të Policisë u bë parandalimi i përshkallëzimit të mëtejshëm të këtij konflikti dhe arrestimi në flagrancë i autorit të dyshuar të ngjarjes.
Materialet i kaluan Prokurorisë pranë Gjykatës së Shkallës së Parë Tiranë, për veprat penale “Kanosja”, “Vetëgjyqësia” dhe “Prishja e rendit dhe qetësisë publike”./Bl.Ba/Fjala.al
