Një 33-vjeçar shqiptar është arrestuar nga policia italiane pasi akuzohet për prodhim dhe shitje të lëndëve narkotike. Bëhet me dije se personi i identifikuar si Gazmend Hazizllari punonte si kujdestar i një fushe sportive në Pacesso dhe prej kohësh ishte mbajtur nën vëzhgim nga karabinierët.
Sipas mediave italiane ai dyshohej nga karabinierët për aktivitete kriminale pasi bënte veprime të çuditshme. Duke ndjekur çdo ditë policia italiane vuri re se 33-vjeçari bënte ndalesa të shkurtra në banesa të ndryshme.
Në momentin që Hazizllai vuri re forcat e policisë u bë nervoz. Pas kontrollit atij iu gjetën në xhepin e pantallonave lëndë narkotike e llojit marijuanë. Përveç drogës atij iu gjetën dhe 480 euro të cilat dyshohet se i kishte përfituar nga shitja e narkotikëve.
Bëhet me dije se shqiptari ishte një person i njohur për policinë italiane pasi ishte prangosur edhe më herët./Re.Gu/Fjala.al
