Thaçi për arrestimet në zyrat e OVL të UÇK në Kosovë: S’ka nevojë për aksione spektakolare

124,178FansaPëlqeje

Pas bastisjes që EULEX i bëri zyrave të UÇK-së dhe arrestimit të disa veteranëve të luftës, ka ardhur edhe reagimi i presidentit Hashim Thaçi.

Thaçi ka dalë kundër këtij operacioni të EULEX, teksa ka deklaruar se nuk kishte nevojë nga ana e EULEs për të bërë këto aksione spektakolare.

Ai thotë se UÇK ka qenë lëvizje vullnetare dhe e rezistencës për liri e pavarësi të Kosovës, ndërsa veteranët janë vlera më sublime e saj

Lexo edhe : Progres, por jo marrëveshje: Çfarë ndodhi në takimin mes Trump dhe Putin?

Deklaratë për media e Presidentit të Republikës së Kosovës

Qytetarët e Kosovës dhe tërë bota presin që Dhomat e Specializuara t’i japin përgjigjen e duhur, profesionale dhe transparente pretendimeve monstruoze, siç janë insinuatat për “trafikimin e organeve njerëzore nga UÇK-ja” apo për “Shtëpinë e verdhë”, në emër të të cilave ne ishim të detyruar që t’i themelojmë Dhomat e Specializuara.

Siç tregon historia, Ushtria Çlirimtare e Kosovës ka qenë lëvizje vullnetare, pjesë e rezistencës civile dhe angazhimit për liri e pavarësi në Kosovë dhe si e tillë është njohur nga bashkësia ndërkombëtare.

Ishte edhe shembull i bashkëpunimit me drejtësinë ndërkombëtare. Duke filluar me gjykatat e UNMIK-ut, Tribunalin për Ish-Jugosllavinë në Hagë, EULEX-in, gjykatat vendore dhe tani me nivelin e 5-të të drejtësisë në Kosovën e pasluftës, Dhomat e Specializuara. Asnjë i intervistuar apo i akuzuar nuk i ka ikur përgjegjësisë që t’u përgjigjet autoriteteve kompetente të drejtësisë.

E theksoj se rrjedhja e dokumenteve ka cenuar legjitimitetin e gjykatës në sytë e qytetarëve, ka dëmtuar imazhin e shtetit të Kosovës dhe të drejtat e të pandehurve potencialë. Publikimi i këtyre dokumenteve ka qenë i papranueshëm.

Veteranët e UÇK-së janë vlera më sublime e rezistencës dhe lëvizjes sonë për liri e pavarësi. Asnjë grackë e ngrehur nga kushdo nuk do ta vendosë Kosovën në anën e kundërt të drejtësisë.

Lexo edhe : Një histori e shkurtër e Alaskës, vendit ku vendoset e ardhmja e botës

Është e qartë se kërkohet bashkëpunim i ndërsjellë, në perputhje me legjislacionin me të cilin janë themeluar Dhomat e Specializuara. Kjo drejtësi speciale është e obliguar që t’i përmbahet dhe të veprojë në kuadër të Kushtetutës së Kosovës dhe t’i respektojë të drejtat e të gjithëve.

Asnjë i pandehur potencial nuk do t’i ikë drejtësisë. Prandaj, vlerësoj se nuk ka asnjë arsye për ekspedita apo aksione spektakulare. Ndërsa integriteti dhe dinjiteti i secilit qytetar duhet të respektohet.

E tërë bota e dinë se Kosova ishte viktimë. UÇK-ja dhe tërë populli i Kosovës janë përballur me gjenocid dhe spastrim etnik.

Kosova gjithmonë ka qenë dhe do të jetë në anën e të vërtetës, bashkëpunimit, drejtësisë dhe të drejtës ndërkombëtare, e përcaktuar për ndërtimin e shtetit demokratik, ligjor dhe shumetnik, atdhe të të gjithë qytetarëve të saj.

Ky është vullnet i qytetarëve të Kosovës dhe përkushtim i institucioneve të shtetit të Kosovës.

La.Mi/Fjala.al

Thaçi për arrestimet në zyrat e OVL të UÇK në Kosovë: S’ka nevojë për aksione spektakolare

Të fundit

Zjarr masiv në veriperëndim të Spanjës, dhjetëra fshatra nën kërcënimin e flakëve

Arjan Ndoja mbetet deputet/ Kolegji Zgjedhor rrëzoi padinë e Andia Ullirit

Rama ndan fotot: Qarku i Shkodrës pasurohet me një sit të ri arkeologjik në Bushat

Aksident me tre të plagosur në Ksamil, turku me motor përplas italianin në trotuar

Kina po ndërton robotin që mund “të lindë” foshnja

Lajme të tjera

Web TV

Kur frika zëvendëson drejtësinë, “Shtrigat e Salemit” nga historia në dramë

“Asgjë të re nga Fronti i Perëndimit”, zëri i një brezi...

Tragjedia e Piter Fekter, një vdekje që tronditi Berlinin

Na ndiqni në

Zjarr masiv në veriperëndim të Spanjës, dhjetëra fshatra nën kërcënimin e...