Nga Aleksandër Cangonja
Dekreti i Viktor Emanuelit për lidhjen telefonike dhe telegrafike midis Italisë dhe Shqipërisë përmes detit Adriatik me anë të kabllit nën ujor e cila do lidhë Durrësin dhe Brindizin duke përmisuar kështu ndjeshëm infrastrukturën e telekomunikacionit në vend.
Ligji u publikua në fletoren zyrtare të mbretërisë së Italisë të datës 16 Korrik 1939 numër 999.
VIKTOR EMANUELI i III
NGA HIRI I ZOTIT DHE NGA Vullneti i Kombit
MBRETI i ITALISË dhe i SHQIPËRISË
Perandori i Etiopisë.
Senati dhe dhoma e Fashiove dhe e Korporatave, dhe në mes të tyre komisioni legjislativ, kanë miratuar:
Ne kemi sanksionuar dhe shpallur si me poshtë:
Neni 1
Për instalimin e një kablli telefonik – telegrafik nën ujor midis Durrësit dhe Brindizit, të një kablli nëntokësor në Brindizi dhe Bari me degë në Taranto dhe për lidhje ajrore ndërmjet Durrësit dhe Tiranës, i është dhënë kompanisë shtetërore për shërbimet telefonike alokimi i 53,000,000 liretave në normën e liretës 18,000,000 për secilin nga vitet financiare 1939-40 dhe 1940-1941 dhe 17,000,000 lireta për vitin financiar 1941-1942.
Burimi: Arkivi i gazetës zyrtare të mbretërisë së Italisë me datë 20 Korrik 1939 Romë./La.Mi/Fjala.al
