Teksa rastet me COVID-19 po shtohen në shumë vende të Europës, Italia duket se po i reziston një vale të dytë të covid-19. Pas kulmit të verifikuar në mars, muaj që shënoi depërtimin e virusit në Evropë, vendi ndoqi në mënyrë strikte masat për frenimin e epidemisë.
OBSH vlerësoi efikasitetin e menaxhimit të emergjencës së koronavirusit, kurba e të cilit ra në muajin qershor. Që nga fillimi i epidemisë së COVID-19 në Itali, të paktën 308 mijë persona janë prekur, 35 mijë e 800 prej të cilëve kanë vdekur, ndërsa janë shëruar rreth 220 mijë.
Aktualisht, mesatarja vdekjeve gjatë një dite është 20 persona, kështu nuk mund të flitet ende për një valë të dytë.
“Pranimi në masë i masave kufizuese. Kjo, sipas ekspertëve pranë Kolegjit Mbretëror të Londrës, është një nga arsyet përse një valë e dytë infektimesh nuk është regjistruar ende në Itali, ndryshe nga vendet e tjera evropiane.
Autoritetet insistojnë se një skenar i tillë për momentin mund të përjashtohet, edhe pse nuk dihet ende se sa do të rëndojë rihapja e shkollave. Ru. Do/ Fjala.al
