Si çdo vit, “Nata Ndërkombëtare e Hënës” është takim i promovuar nga NASA për të sjellë publikun e gjerë më afër vëzhgimit të satelitit tonë natyror. E vizituar nga njeriu në vitin 1969, Hëna gjithmonë e ka magjepsur njerëzimin pasi është ylli më i ndritshëm i natës.
“Është diçka që i intereson të gjithë botës”, – shprehet shkencëtarja e NASA-s, Kelsey Young. “Nuk ka rëndësi se ku jeni. Kudo mund të shihni Super Hënën. Mund ta admironi atë nga dritaret e qytetit të madh apo nga ndonjë cep i një pjese të vogël. Sot është një mundësi për të hyrë në kontakt me këtë trup qiellor që ka pasur gjithmonë një domethënie të madhe për kulturat dhe shoqëritë e çdo epoke”.
Nga Londra, në Milano, nga Berlini në New York. Në 2500 vende, astronomë dhe entuziastë do pajisen me dylbi dhe teleskopë për të admiruar burimin e dashur të dritës në netët e errëta.
Si gjithmonë, ngjarja do të transmetohet drejtpërdrejt nga shumë televizione, për të na dhënë mundësi të gjithëve të ëndërrojmë dhe të shohim diçka të jashtëzakonshme.
Për të gjithë adhuruesit e universit qiellor, mbrëmja e sotme do të përcjellë një ngjarje planetare interesante. Ru. Do/ Fjala.al
