Ai është një lider i lindur në fushën e lojës por dhe në jetën e përditshme. Shembulli i Cristiano Ronaldos është tipik i një kampioni të lindur. Ai është një nga lojtarët më të mirë në historinë e futbollit dhe është shumë i lartë numri i atyre që pretendojnë se ai është ‘më i miri i të mirëve’.
Por sjelljet jashtë fushe janë ato që e bëjnë një futbollist më të kompletuar dhe në këtë aspekt CR7 është përsëri idhull i shumë njërëzve.Për shembull, ai nuk bën tatuazhe sepse dhuron gjak për njerëzit në nevojë, gjë që jo shumë njerëz. Por një nga faktet më interesante rreth jetës së tij është se ai nuk konsumon alkool. Ylli portugez nuk ka prekur kurrë një gotë alkooli me dorë, edhe kur situatat mund ta kenë kërkuar diçka të tillë.
Pas një titulli, ndërsa shampanja rrjedh lumë mes futbollistësh, CR7 është më shpesh i lumtur të pijë një gotë ujë. Ndërsa kjo e mban atë në gjendje kulmore fizike, Cristiano Ronaldo nuk pi alkool për shkak të babait të tij. Ai vdiq nga kanceri i mëlçisë, si pasojë e abuzimit me alkoolin. Pesë herë fituesi i “Topit të Artë” ishte shpesh i pafuqishëm, kur u përball me problemin e babait të tij, që nuk hiqte dorë nga pija. Ai e refuzoi ndihmën e djalit të tij dhe pati fund tragjik. E kundërta ndodhi me vëllain, të cilin CR7 e nxori nga rruga e alkoolit dhe tani bën një jetë shumë të mirë, larg veseve. Kjo është një gjë e rrallë edhe për një njeri jashtë fushës së blertë, e jo më për një futbollist si Ronaldo, prandaj ai meriton respekt
Pa.Va/Fjala.al
