Alice Brignoli, një grua italiane që në shkurt 2015 ishte larguar nga Bulciago, në provincën e Lecco, për në Siri për t’u bashkuar me ISIS, u arrestua dhe u soll përsëri në Itali së bashku me tre fëmijët e tyre dhe një fëmijë të katërt, që bashkëshorti i saj, Mohamed Koraichi, e kishte me një grua tjetër në kamp. Brignoli u gjet në një kamp refugjatësh në Al Hol, Siri.
Në vitin 2016, ndaj Brignoli-tu lëshua një urdhër paraprak ndalimi, po ashtu edhe për burrin, motrën e saj së bashku me bashkëshortin. Të gjithë së bashku kishin arritur në Siri me makinë përmes Ballkanit dhe Turqisë.
Që nga e marta Brignoli ka qenë në burgun San Vittore në Milano. Burri i saj Koraichi vdiq disa muaj më parë nga një infeksion i zorrëve. Ishte nëna e Alice Brignoli që denoncoi zhdukjen e vajzës së saj në 6 Mars 2015.
Ajo shpjegoi se procesi i radikalizimit kishte filluar pas martesës së saj me Koraichi në 2008.
Sipas gruas, ishte ai që bindi gruan dhe motrën e tij për tu bashkuar me ISIS. Nga bisedat e përgjuara në atë kohë nga karabinierët, Koraichi dukej i vendosur të kryente një sulm vetëvrasës dhe po planifikonte ta bënte këtë në Itali.
