Një nga këngët më të bukura shqiptare që është trashëguar brez pas brezi është kënga “Muaj i Majit”. Por a e dini se kjo këngë për herë të parë është regjistruar para para 96 vitesh, në vitin e largët 1923.
Ishte patrioti, artisti dhe muzikanti korçar Spiridon Ilo i cili regjistroi në disk këngën “Muaj i Majit” në kompaninë e tij “Albanian Phonograph Record”.
Kujtojmë së Spiridon Ilo ishte një nga firmëtarët e aktit të pavarësisë në vitin 1912. Gjithashtu, Spiridon Ilo ka qenë një nga ata patriotë që kanë dhënë para për formimin e shtetit shqiptar.
Patriotizmin e tij e dëshmon dhe regjistrimi i këngës “Muaj i Majit”, një krijim brilant me tekst dhe muzike të Mihal Gramenos. Pa fikë mund të themi se kënga “Muaj i Majit” është një serenate aq e njohur dhe e dashur, e kënduar në breza dhe dekada
Këtë regjistrim e ka shpërndarë për publikun Niko Kotherja, drejtor Qendrës Kombëtare të Veprimtarive Tradicionale.
Postimi i plotë i Niko Kotherjas
Para 96 vitesh, në kompaninë e tij “Albanian Phonograph Record”, patrioti, artisti dhe muzikanti korçar Spiridon Ilo regjistroi këtë disk me këngën “Muaj i Majit”, një krijim brilant me tekst dhe muzike të Mihal Gramenos. Një serenate aq e njohur dhe e dashur, e kënduar në breza dhe dekada, përcillet këtu në regjistrimin e parë, i kryer në Nju Jork, në vitin e largët 1923.
Nuk kishte kitare korçare që të mos e njihte këtë serenate…!
La.Mi/Fjala.al
