Leo Messi është përqendruar në kalimin e një sezoni të shkëlqyeshëm në Barça pasi u përpoq të largohej nga klubi këtë verë dhe donte ta bënte të qartë në një deklaratë për gazetën ‘Sport’, ku kapiteni i Barça kërkoi unitet për një fushatë në të cilën ai shpreson të jetë në gjendje t’u japë gëzim tifozëve pas një viti të vështirë.
Lojtari argjentinas e ka bërë të qartë se ai do të jap maksimumin e tij për Barçën si gjithmonë dhe ka bërë thirrje për bashkim.
“Pas kaq shumë mosmarrëveshjesh, unë do të doja t’i jepja fund. Të gjithë tifozët e Barcelonës duhet të bashkohen dhe të mendojmë se më e mira është ende duke ardhur. Shtimi i pasionit dhe entuziazmit do të jetë mënyra e vetme për të arritur objektivat, gjithmonë të bashkuar dhe duke shkuar në të njëjtin drejtim”, ka thënë fillimisht ai.
Sipas tij, nëse ka bërë gabime, ato kanë qenë që Barcelona të jetë më e fortë. “Unë marr përgjegjësi për gabimet e mia dhe nëse ato janë bërë, kjo ishte vetëm për ta bërë Barcelonën më të mirë dhe më të fortë”, tha Messi.
Në këtë kuptim, ai u përpoq të justifikonte postimin e tij në Instagram pas lamtumirës së Luis Suárez. “Unë thashë vetëm atë që ndjeva në kohë të vështira për mua.
Do të ketë nga ata që mendojnë se unë duhej të mbyllesha ose ta lija të kalonte, si në shumë gjëra të tjera që bëra, por shumë gjëra më lënduan javët e fundit dhe kjo ishte mënyra ime për ta shprehur atë”, tha ai./Bl.Ba/Fjala.al
