Trajneri i Barcelonës , Ronald Koeman ka reaguar ndaj thashethemeve që e lidhin Ousmane Dembele me një transferim në Manchester United . Holandezi ka theksuar se ai ende mbështetet tek anësori francez dhe tani i takon lojtarit nëse ai dëshiron të largohet
Sipas thashethemeve të merkatos, United është në bisedime për të nënshkruar me Dembele në huazim për një sezon dhe shpreson të arrijë një marrëveshje para se afati i transferimeve të mbyllet më 5 tetor. Koeman reagoi ndaj spekulimeve mbi të ardhmen e francezit në një konferencë shtypi të mërkurën, duke u thënë gazetarëve se gjithçka varet nga klubi dhe lojtari.
“Dembele është me ne dhe siç e kemi parë javët e fundit unë po mbështetem tek si. Ai duhet të presë për të luajtur por po stërvitet mirë, duke u përmirësuar.”, theksoi ai.
Ylli i Borussia Dortmund , Jadon Sancho besohet të jetë ende objektivi i parë i United pasi ata kërkojnë një anësor të ri të djathtë, por Dembele me sa duket është identifikuar si një opsion alternativ pas një bllokimi në negociatat me klubin gjerman. Francezi u bë blerja rekord e klubit kur ai u transferua në Camp Nou nga Dortmund për 105 milion € në verën e 2017, por deri më tani nuk ka arritur të respektojë çmimin e tij.
Ai regjistron vetëm 75 paraqitje në të gjitha garat për Blaugrana mes një vargu çështjesh, dëmtimesh dhe gjithashtu është përballur me masa disiplinore në lidhje me pjesëmarrjen e tij në seancat stërvitore. Megjithatë, Dembele e ka ndihmuar Barçën të fitojë dy tituj në La Liga dhe Copa del Rey ndërsa regjistroin 19 gola dhe 16 asistime.
Koeman shpreson që skuadra e tij të jetë gati në këtë prag të sezonit të ri. Ai pret shtimin e një ose dy lojtarëve shtesë para afatit të transferimit, me mbrojtësin e Ajax, Sergino Dest që do të jetë i pari.
Pa.Va/Fjala.al
