“Akuzat e opozitës, stuhi në gotë”/Lleshaj: Qytetarët do të kenë akses për të parë qendrat e votimit

113 563 lexime

106,048FansaPëlqeje

Ministri i Brendshëm, Sandër Lleshaj, zbuloi se nga 5 tetori qytetarët do të kenë akses për të parë qendrat e votimit.

Duke iu përgjigjur akuzave të opozitës për ndryshime fiktive të qendrave të votimit të qytetarëve, Lleshaj tha në një intervistë për “Real Story” se, “nuk ka ndryshim të listave zgjedhore në kuptimin e atyre ndryshimeve që po artikulohen pa përgjegjësi në media nga aktorë politikë apo mediatikë. Listat do të publikohen më 5 tetor e të gjithë do të kenë mundësi ta verifikojnë se sa e kotë është kjo stuhi e ngritur në gotë”.

Lleshaj tha se nuk ka ndryshim të listave.

“Qytetarëve që ankohen s’u ka ndodhur asgjë. Në Shqipëri kemi një dokument themelor që është Regjistri i Gjendjes Civile dhe në kolonën e krahut të majtë janë të gjithë atributet ose të dhënat e hedhura në këtë regjistër. Sa herë prodhojmë diçka marrim të dhënat nga ky regjistër. Për shembull certifikatë personale ose listën e zgjedhësve që ka Zyrën e Gjendjes Civile, qendrën e votimit, kodin, adresën. Shqipërisë për fatin e keq që nga viti 1990 i është shkatërruar një nga kolonat esenciale të shtetformimit që është Regjistri i Gjendjes Civile. Nga 90-ta për shkak të lëvizjes kaotike njerëzit e humbën këtë referencë, dhe humbën nga regjistrat. Tani vijmë në shekullin e 21-të ku qytetarët e këtij vendi nuk kanë adresa”, tha Lleshaj.

Ai tregoi një rast ku një certifikatë e gjendjes civile e vitit 2017 tregon vendbanimin vetëm Tiranë, ndërkohë një certifikatë e gjendjes civile e vitit 2020 tregon adresën e plotë.

“Ky proces ka nisur në 2016 dhe është detyrim ligjor që çdo qytetar nga adresa thjesht Tiranë të vendosë adresën e saktë. Adresat e votimit nuk ndryshohen nga ky proces. Ndërsa procesi i aktualizimit të adresave është një proces esencial shtetformues”, u shpreh ministri .

Lexo edhe :  Balla: Bashkëpunimi me Gjermaninë ka rritur prezencën e bizneseve gjermane në Shqipëri

Lleshaj tregoi rastin e një qytetari që ka denoncuar ndryshimin e adresës, por që në fakt nuk i kishte ndryshuar numri i qendrës së votimit.

“Ai nuk mund të votojë në dy qendra, sepse është i regjistruar tek qendra e votimit tek njësia 7. Prej Regjistrit të Gjendjes Civile merret vetëm adresa zgjedhore e qytetarit, pavarësisht ku banon ai sot, merret vetëm adresa zgjedhore. Vetëm qytetari mund ta ndryshojë qendrën e votimit. Duhet të shkojë të provojë që ka ndryshuar vendbanimin dhe më pas i ndryshohet qendra e votimit”, theksoi ai.

Për takimin me ambasadoren amerikane Yuri Kim, Lleshaj tha se, “diskutuam shumë tema me ambasadoren amerikane. Kishte nevojë për shpjegim për të gjithë qytetarët sonte. Ambasadorja më solli raste”.

“Do të ndërtojmë portale, aplikacione ku qytetarët do të kenë mundësi të shohin qendrat e votimit”, tha Lleshaj.

 

Pa.Va/Fjala.al

 

 

Të fundit

Problemet nga kushtet e motit/ Manastirliu nga Spitali i Traumës: Ekipet tona janë në gatishmëri

Kushtet atmosferike kanë sjellë problematika në të gjithë vendin tonë. Ministrja e Shëndetësisë duke folur nga Spitali i Traumës,...

Kim Kardashian dhe motrat e saj “ndezin” Instagramin, të brendshmet e tyre bënë vajzat të flasin me vete

Postimet e motrave Kardashian- Jenner dinë gjithmonë të marrin vëmëndjen e të gjithëve. Kështu ndodhi edhe me foton e fundit, ku nuk është vetëm një,...

Pamje rrëqethëse/ Traileri gjigand përplas makinat në autostradë, 6 të vdekur (Video)

Pamjet rrëqethëse të kapura në SHBA tregojnë aksidentin zinxhir që ka ndodhur në Teksas, ku si pasojë humbën jetën gjashtë persona dhe dhjetëra të...

Përsëri shpërthim i fuqishëm në Shëngjin, ushtria, policia e SHISH në terren

Në Shëngjin janë dëgjuar sërish dy shpërthime të fuqishme. Askush nuk e di se çfarë i shkakton apo se nga vijnë. Shpërthimet kanë ndodhur 20...

Ish-Presidenti Trump shpallet i pafajshëm

Senati amerikan votoi të shtunën për ta shpallur të pafajshëm ish-Presidentin Donald Trump nën akuzën për nxitje rebelimi të ngritur nga Dhoma e Përfaqësuesve. Senati...

Lajme të tjera

Web TV