Elona Gjebrea, deputetja socialiste do të jetë në cilësinë e vëshgueses së të Delegacionit të Asamblesë Parlamentare të OSBE-së për zgjedhjet presidenciale që do të mbahen në Shtetet e Bashkuara të Amerikës më 3 nëntor 2020.
Lajmin e ka dhënë vetë deputetja Elona Gjebrea përmes një postimi në rrjetin e saj social Facebook teksa shkruan ndër të tjera se ky është një privilegj për të dhe se këto zgjedhje janë një ngjarje e rëndësishme jo vetëm për amerikanët por edhe për mbarë botën.
“Privilegj të jem pjesë e delegacionit parlamentar shqiptar ne cilësinë e vëzhgueses nga Asambleja Parlamentare e OSBE-së, në zgjedhjet presidenciale të 3 nëntorit 2020, në Shtetet e Bashkuara të Amerikës.
# Një ngjarje e rëndësishme jo vetëm për amerikanët dhe politikën amerikane, por për mbarë botën”, shkruan Gjebrea./Bl.Ba/Fjala.al
https://www.facebook.com/elona.gjebrea.3/posts/958851074623140
