Shpesh ankohemi për papastërtinë e qytetit por jemi vetë ne që në shumë raste e ndotim atë.
Fjala.al ka siguruar një video ku një nga qytetarët e Tiranës ka hedhur në lumin Lana një qese të zezë me plehra. Për fat të keq ky nuk është një rast sporadik po na ndodh që çdo ditë të shohim një burrë ose një grua që bën një veprim të tillë.
Aftësia vetëpastruese e ujërave të lumit Lana si pasojë e rritjes së urbanizimit nuk arrin të përballojë shkarkimet e ujërave urbane të patrajtuara duke vënë në rrezik shëndetin e banorëve dhe duke dëmtuar botën ujore.
Ne shohim që në pjesën më të madhe të rasteve janë të rriturit ata që bëjnë veprime të tilla duke i mësuar fëmijëve sjellje që nuk duhen.
Është shumë e rëndësishme që të gjithë njerëzit realisht të ndergjegjësohen për pasojat që ka një veprim i tillë dhe të mos mbesë gjithçka në mësimet e edukatës shoqërore në klasat e fillores./Jo.Be/Fjala.al
