Kryetari i Bashkisë së Tiranës Erion Veliaj ka prezantuar një tjetër personazh të njohur të show bizz-it shqiptar që i bashkohet Partisë Socialiste.
Bëhet fjalë për ish-missin shqiptar, Valbona Selimllari e cila u prezantua nga Veliaj në takimin e djeshëm në Zall Bastar.
Valbona Selimllari ka marrë fjalën e saj në këtë takim ku është shprehur se është në këtë forcë politike, pasi është me ata që mbarojnë punë.
“Tek Partia Socialiste jam sepse ne kemi një thënie nga Përmeti. Unë jam përmetare me origjinë dhe themi: Ai djali dhe ajo vajza po janë punëmbaruar dhe kjo fjalë më ka mbetur gjithmonë në mendje se ma thoshte gjyshi dhe nëna: “Punëmbaruari është gjithmonë i suksesshëm” dhe në fakt unë jam me punëmbaruarit, sepse për hir të së vërtetës nuk kemi kohë të humbim me ata që s’mbarojnë punë”-tha Selimllari. /Ra.My.Fjala.al/
