Policia e Elbasanit ka zbardhur ngjarjen e ndodhur mbrëmjen e 4 tetorit ku mbetën të plagosur dy të rinj. Ngjarja ka ndodhur në një lokal në lagjen ‘Haxhias’ të Elbasanit ku pak ditë më parë këtij biznesi iu vendos tritol e ndërsa mbrëmjen e 4 tetorit u plagosën dhe dy djemtë e pronarit.
Burimet zyrtare bëjnë me dije se ditën e sotme është arrestuar një nga autorët e dyshuar dhe vijon punën për kapjen e 6 bashkëpunëtorëve të tjerë.
Specialistët për Hetimin e Krimit në Komisariatin e Policisë Elbasan, pas një pune të mirorganizuar hetimore dhe profesionale, kanë kapur dhe arrestuar shtetasin M. M., 23 vjeç, banues në Elbasan.
Arrestimi i shtetasit M. M. u bë pasi dyshohet se në bashkëpunim me shtetasit e shpallur në kërkim K. Xh., 38 vjeç, M. G., 27 vjeç, U. G., 22 vjeç, E. T., 23 vjeç, B. H., 29 vjeç dhe D. H., 25 vjeç, më datë 04.10.2020, në lagjen “Haxhias”, Elbasan, në ambientet e brendshme të një lokali, kanë plagosur duke i goditur me sende të forta shtetasit E. B., 24 vjeç dhe E. B., 21 vjeç (vëllezër), të cilët janë jashtë rrezikut për jetën.
Vijon puna intensive për kapjen e shtetasve të shpallur në kërkim.
Materialet hetimore i kaluan Prokurorisë pranë Gjykatës së Shkallës së Parë Elbasan, për veprime të mëtejshme procedurale./Re.Gu/Fjala.al
