Ishte 8 tetori i një viti më parë kur Milan njoftoi zyrtarisht shkarkimin e Marco Giampaolo nga pozicioni i trajnerit të ekipit. Fitorja ndaj Genoas në Marassi nuk ishte e mjaftueshme për të shpëtuar stolin e tij.
53-vjeçari pasoi Gennaro Gattuso-n qershorin e kaluar, por drejtuesit e klubit të kuqezinjve vendosën të hiqnin dorë nga zgjedhja e bërë, pasi kuptuan se projekti teknik nuk po shkonte në drejtimin e dëshiruar. Pas vetëm 3 muaj e gjysmë në këtë detyrë, Giampaolo u largua për shkak të një fillimi të dobët të sezonit. Trajneri italian në 7 javë kampionat, arriti 3 fitore, 3 humbje dhe një barazim.
Paolo Maldini dhe Zvonimir Boban nuk dëshironin t’i jepnin 53 vjecarit më shumë kohë, ndërsa preferuan të bënin një ndryshim të menjëhershëm.
Pas largimit të Giampaolo, pozicioni i trajnerit iu besua Stefano Piolit, i cili ka drejtuar më parë ekipe si Interi, Lazio dhe Fiorentina. Pioli me kalimin e kohës arriti ta nxirrte ekipin nga një situatë e komplikuar dhe ta çonte atë në vendin e pestë në renditje, ndërsa këtë sezon duket se ka të garantuar kualifikimin në Champions League.
Zgjati vetëm 7 javë aventura e teknikut Giampaolo tek Milan, duke u bërë kështu tekniku i parë kuqezi që shkarkohet në një periudhë kaq të shpejtë.
“Divorci” Milan-Giampaolo/Një vit nga shkarkimi i trajnerit 53-vjeçar
