Në prag të ndeshjeve në ligën e kombeve, Shqipëria ka zbritur në fushë për të kryer seancën stërvitore. Etrit Berisha është rikthim i konfirmuar në organikën e Edi Rejas për sfidat përballë Kazakistanit dhe Lituanisë.
Shtatlarti i cili aktivizohet me skuadrën e Spal në serie b ishte një nga mungesat e kombëtares për këto dy sfida, por mesa duket klubi italian e ka lejuar gardianin e portës kuqezi të bashkohet me përfaqësuesen.
ndërkohë ka dyshime nëse portieri Thomas Strakosha do të jetë i gatshëm për të zhvilluar ndeshjet me kombëtaren pasi ka shfaqur probleme fizike që pas sfidës ndaj Interit në serie A. Alban Hoxha i partizanit ishte favorit kryesor për të mbrojtur portën e Shqipërisë, por me rikthimin e Berishës, reja ka një alternativë më shumë dhe më të sigurt duke qenë se Berisha ka me shumë eksperiencë në rang ndërkombëtar.
probleme fizike ka shfaqur edhe një nga prurjet e reja, mbrojtësi jon Mersinaj, i cili është duke u monitoruar nga stafi mjekësor vazhdimisht.
Ndërsa lojtari i Juventus Giacomo Vrioni nuk është lejuar për momentin për shkak të kufizimeve ndërsa pritet të bashkohet me kuqezinjtë ditën e sotme.
së fundmi listës së kombëtares i shtohet edhe talenti i Olimpiakosit, Emiliano bullari. sulmuesi 19-vjeçar është ftuar nga reja në stërvitje dhe do të qëndrojë deri në ditën kur ekipi të niset drejt Kazakistanit, pa mohuar shanset për të qenë pjesë e kuqezinjve për dy transfertat.
Trajneri Edi Reja ka pasur mundësi që të punojë vetëm rreth 60 minuta pasi rreth orës 18:00, kuqezinjtë janë detyruar që të lënë menjëherë fushën stërvitore, për shkak të reshjeve të dendura të shiut që e bënë të pamundur vijimin e përgatitjeve.
Fj.Ak/Fjala.al
