Autoritetet kanë lëshuar një urdhër arresti për 37-vjeçarin Nuredin Dumani pasi akuzohet se është një nga ekzekutorët e Bujar Çelës, vëllait të Talo Çelës.
Burimet zyrtare bëjnë me dije se pas 20 ditësh hetim strukturat e Policisë së Elbasanit nën drejtimin Prokurorisë së Rrethit Gjyqësor Elbasan kanë arritur të identifikojnë një nga ekzekutorët e Bujar Çelës. Ngjarja ka ndodhur më 17 shtator 2020 në rreth-rrotullimin e Bardasheshit, në Elbasan.
Gjykata e Rrethit Gjyqësor Elbasan, ka caktuar masën e sigurisë “Arrest me burg”, për Nuredin Dumanin të lindur në Dibër dhe banues në Durrës, për veprat penale “Vrasje me paramendim” e kryer në bashkëpunim dhe “Armëmbajte pa leje”.
Në drejtimin e Prokurorisë së Rrethit, vijon puna intensive për kapjen e autorit të shpallur në kërkim, si edhe identifikimin e personave të tjerë të implikuar në këtë veprimtari kriminale.
Matrialet hetimore i kaluan Prokurorisë pranë Gjykatës së Shkallës Parë Elbasan, për veprime të mëtejshme procedurale./Re.Gu/Fjala.al
