Sipas ministrisë së Shëndetësisë së vendit, Brazili ka numrin më të lartë të vdekjeve nga koronavirusi në botë pas SHBA-së dhe numrin e tretë më të lartë të rasteve pas SHBA-së dhe Indisë.
Vendi gjithashtu kaloi shifrën e pesë milionë infektimeve në fillim të kësaj jave.
Presidenti Jair Bolsonaro është akuzuar nga i gjithë komuniteti atje pasi në mënyrë të përsëritur ka injoruar këshillat e eskpertëve për masat kufizuese.
Deri më tani, Brazili ka deri tani numrin më të lartë të vdekjeve në Amerikën e Jugut ndërsa shteti më i goditur ka qenë São Paulo.
Sipas shifrave nga ministria e shëndetësisë, 150,198 njerëz në Brazil kanë vdekur nga Covid që nga shpërthimi në muajin mars ndërsa kanë rezultuar pozitivë 5 milionë e 82 mijë e 637 persona.
Në Kolumbi, një tjetër vend i goditur 27,495 njerëz kanë vdekur dhe ka pasur 894,300 raste të konfirmuara.
Sidoqoftë, numri ditor i rasteve të reja në Brazil ka pësuar një rënie të ndjeshme në verë, kur kishte rreth 1.000 vdekje të reja në ditë për dy muaj.
Trajtimi i pandemisë nga z. Bolsonaro – vendimi i tij për të kundërshtuar masat e bllokimit dhe për t’i dhënë përparësi ekonomisë – ka qenë jashtëzakonisht përçarës.
Ai është kritikuar gjithashtu për deklaratat e tij ndaj Covid-19 duke e quajtur thjesht një “grip të vogël”.
Sidoqoftë, presidenti e ka hedhur poshtë në mënyrë të përsëritur këtë kritikë, edhe kur ai vetë u infektua me Covid-19, në muajin korrik.
Në gusht, Nënkryetari i Brazilit Hamilton Mourão gjithashtu u pozicionua në krah të qeverisë dhe fajësoi mungesën e disiplinës midis brazilianëve për të kufizuar përhapjen e virusit nëpërmjet masave të distancimit social. Ru. Do/ Fjala.al
