Koronavirusi mund të mbijetojë deri në 28 ditë në temperatura të ulta dhe në errësirë tek sipërfaqet e objekteve të sheshta, si kartmonedhat dhe aparatet celularë.
Ky është rezultati i një studimi, i mbështetur veçanërisht nga Organizata e Kërkimit Shkencor dhe Industrial e Komonuelthit, sipas të cilës, sqarohet se koronavirusi mund të mbijetojë në sipërfaqen e sheshtë të kartmonedhave dhe celularëve deri në 28 ditë në temperatura të ulta dhe errësirë.
Studiuesit testuan jetëgjatësinë e virusit COVID në errësirë, në tre temperatura të ndryshme, ndërsa vunë re që shkalla e rezistencës së virusit ra me rritjen e tyre.
Ata mësuan se në temperatura deri në 20 gradë Celsius shkalla e rezistencës së virusit ishte “jashtëzakonisht e fortë” dhe veçanërisht në sipërfaqet e lëmuara si ekranet e celularëve, duke mbijetuar deri në 28 ditë.
Ndërsa, deri në 30 gradë Celsius, mbijetesa e virusit ra në shtatë ditë dhe në vetëm 24 orë në 40 gradë Celsius.
Autorët e këtij studimi treguan se ky është një kërkim shkencor më i thelluar dhe më i gjatë në kohë se sa studimet e mëparshme.
Sipas tyre, virusi COVID transmetohet kryesisht nga ajri, duke vënë në dukje se nevojiten akoma më shumë kërkime për të kuptuar shkallën e transmetimit të tij përmes sipërfaqeve të ndryshme./Re.D/Fjala.al
