Organizata Botërore e Shëndetit ka bërë me dije sot se numri i rasteve aktive me Covid-19 sot është në nivelet më të larta që nga fillimi i pandemisë. Gjatë konferencës për shtyp të mbajtur në Gjeneva, Adhanom Ghebreyesus u shpreh se katër ditët e fundit është raportuar numri më i lartë i rasteve me Covid-19 deri më tani.
“Në të gjithë botën, ne tani po shohim një rritje të numrit të rasteve të raportuara me Covid-19, veçanërisht në Evropë dhe Amerikë.”, u shpreh ai.
Kreu i OBSH tha se imuniteti i tufës kundër fruthit kërkon që rreth 95% e popullatës të vaksinohen.
“5% i mbetur do të mbrohet nga fakti që fruthi nuk do të përhapet në mesin e atyre që janë vaksinuar. Me fjalë të tjera, imuniteti arrihet duke mbrojtur njerëzit nga virusi, jo duke i ekspozuar ata ndaj tij. Imuniteti i tufës nuk është përdorur kurrë si një strategji për t’iu përgjigjur një epidemie, aq më pak një pandemie. Është shkencërisht dhe etikisht problematike.’-tha ai./Re.Gu/Fjala.al
