Komisioni i Gjyqësorit i Senatit Amerikan hapi seancën katër-ditore të konfirmimit për kandidaten e emëruar nga Presidenti Donald Trump për anëtare të Gjykatës së Lartë Amy Coney Barrett.
Juristja konservatore, 48-vjeçare, është zotuar se do gjykojë çështjet ligjore në mënyrë krejt të paanshme.
Emërimi i saj kaq afër zgjedhjeve presidenciale të tre nëntorit, ka shkaktuar tensione politike mes republikanëve dhe demokratëve.
Senatorja republikane, Lindsey Graham, e cila kryeson komisionin, deklaroi se Barrett, një gjykatëse konservatore e gjykatës së apelit do të ishte një “pasardhëse e denjë” e gjyqtares Ginsburg. Por një senator demokrat e përshkroi procesin si “të turpshëm”.
Miratimi i gjyqtares Barrett do të forconte një shumicë konservatore 6-3 në Gjykatën e Lartë, duke e zhvendosur ekuilibrin e saj ideologjik për dekadat e ardhshme.
Presidenti Trump zgjodhi gjyqtaren Barrett për zëvendësimin e liberales Ruth Bader Ginsburg, e cila ndërroi jetë muajin e kaluar në moshën 87-vjeçare.
Republikanët po përpiqen të përfundojnë procesin përpara se Trump të përballet me rivalin e tij demokrat Joe Biden në zgjedhje.
Nëntë anëtarët e gjykatës kanë mandat të përjetshëm dhe vendimet e tyre mund të ndikojnë në politikat e vendit, duke filluar nga e drejta e votës dhe e drejta për të mbajtur armë, deri tek aborti dhe financimi i fushtatave zgjedhore.
Kujtojmë se vendi i zbrazët në Gjykatën e Lartë të vendit, ka intensifikuar garën presidenciale tashmë mjaft të ashpër./Re.D/Fjala.al
