Federata Portugeze e Futbollit ka konfirmuar të martën pasdite se Kristiano Ronaldo, ka rezultuar i prekur nga virusi korona dhe do të mungojë në takimin e së mërkurës ndaj Suedisë. 35-vjeçari, i cili luan për skuadrën e Juventusit në Serinë A të Italisë, raportohet të jetë mirë, pa simptoma dhe i izoluar.
Ylli i futbollit, Kristiano Ronaldo, ka rezultuar i prekur nga virusi korona, ka bërë të ditur të martën pasdite Federata Portugeze e Futbollit.
Futbollisti portugez do të mungojë përfaqësueses së vendit të tij në takimin e së mërkurës ndaj Suedisë, të vlefshëm për grupin e 3-të të Ligës A të Ligës së Kombeve të Evropë. 35-vjeçari, i cili luan për skuadrën e Juventusit në Serinë A të Italisë, raportohet të jetë mirë, pa simptoma dhe i izoluar. Në fakt, të hënën, Kristiano Ronaldo postoi në profilin e tij në rrjetin social “Instagram” një foto ku ai ishte në një tryezë darke me shokët e skuadrës përfaqësuese të Portugalisë.
Megjithatë, ka raportohen raste të tjera të prekurish në përfaqësuesen portugeze në prag të ndeshjes me Suedinë. “Pas këtij rasti pozitiv, të gjithë lojtarët e tjerë iu nënshtruan tamponëve të martën në mëngjes dhe të gjithë rezultuan negativë dhe janë të gatshëm për stërvitje në mbrëmje për trajnerin Fernando Santos, – sqaronte një deklaratë e shkurtër për shtyp e Federatës Portugeze të Futbollit, e cila vijonte: “Ndeshja ndaj Suedisë, e vlefshme për fazën e grupeve të Ligës së Kombeve, do të luhet sipas programit, të mërkurën, duke nisur nga ora 20:45, në stadiumin “Zhoze Alvalade”.
Kristiano Ronaldo ishte midis lojtarëve të Portugalisë që u përballën me Antuan Grizmanin, Kilian Mbapenë dhe përfaqësuesen e Francës në duelin e 11 tetorit, që u mbyll me rrjeta të paprekura. Lojtarët e tjerë të përfaqësueses portugeze, i përsëritën testet për “Covid-19” të martën, por të gjithë rezultuan negativë. Interesant është fakti se, me bërjen publike të lajmit të infektimit të Kristiano Ronaldos, aksionet e Juventusit në bursën e Milanos ranë menjëherë me 6.9%.
la.mi/fjala.al
