Dy ditë para se të vendoset me ligj mbajtja me detyrim e maskës, Ministrja e Shëndetësisë Ogerta Manastirliu i bën thirrje qytetarëve të vendosin atë në çdo ambient.
“Vendoseni maskën në mënyrë të tillë që të mbulojë plotësisht hundën dhe gojën, parandaloni përhapjen e COVID-19’, shkruan ministrja në një postim në rrjetet sociale.
Sipas Manastirliut, nëse maska vendoset siç duhet, “ajo krijon barrierë që pengon spërklat e pështymës të futen në hundë e gojë. Këto spërkla janë përgjegjëse për përhapjen e infeksionit”.
Sakaq, Instituti i Shëndetit Publik thotë që rreziku i ulët nga virusi të mos bëhet i madh, edhe nëse jeni më pak se 60-vjeç, e nuk keni sëmundje të tjera, mund të sëmureni me Covid-19.
Ndaj bëhet apel të pastrohen dhe dezinfektohen duart vazhdimisht, objektet dhe vendet ku rrimë, të shmangen grumbullimet dhe kontaktet me personat e sëmurë, e të mos preken me duar goja, hunda apo sytë.
Maska nga e enjtja do të jetë e detyrueshme me ligj, edhe në rrugë apo ambjente të tjera të jashtme.
Kush kapet pa maskë, do të gjobitet nga policia e Shtetit. Gjoba do të shtohet në faturën e dritave./Bl.Ba/Fjala.al
